ASTAGHFIRULLAAH MINAL KHOTHOYA
ROBBI ZIDNI ‘ILMAN NAFI-‘AA
WA WAFIQNII ‘AMALAN SHOLIKHAA
YA ROSULALLAAH SALAMUN ‘ALAIK
YA ROFI-‘ASY-SYANI WADDAROOJII
‘ATHFATAN YAJI ROTAL ‘ALAMI
YA UHAILALJUUDI WAL KAROOMI
Ngawiti ingsun ngalaras syi-‘iran, Kelawan muji maring pengeran
Kang paring rohmat lan keni’matan,
Rino wengine tampo pitungan
Duh bolo konco prio wanito, Ojo
mung ngaji syariat bloko
Gur pinter ndongeng, nulis lan moco,
Tembe mburine bakal sengsoro
Akeh kang apal Qur’an hadiste,
Seneng ngafirke marang liyane
Kafire dewe gak digatekne, Yen iseh kotor Ati Akale
Gampang kabujuk nafsu angkoro,
Ing pepaese gebyareng dunyo
Iri lan meri sugihe tonggo, Mulo
atine peteng lan nesto
Ayo sedulur ojo nglalek ake,
Wajibing ngaji sak pranatane
Nggo ngandelake iman tauhide,
Baguse sangu mulyo matine
Kang aran sholeh bagus atine,
Kerono mapan sari ngelmune
Laku thoreqot lan ma’rifate, Ugo
haqeqot manjing rasane
Alqur’an Qodim wahyu minulyo,
Tampo tinulis siro den woco
Iku wejangan guru waskito, Den
tancepake ing njero dada
Kumantil ati lan fikiran, Mrasuk
ing badan kaleh jeroan
Mu’jizat Rosul dadi pedoman,
Minongko dalan manjinge iman
Kelawan Allaah kang Moho Suci,
Budi rangkulan rino lan wengi
Di tirakati di riyadlohi, Dzikir
lan suluk ojo nganti lali
Uripe ayem rumongso aman,
Dununge roso tondo yen iman
Dununge roso tondo yen iman
Sabar narimo snajan pas-pasan,
Kabeh tinakdir saking Pengeran
Kabeh tinakdir saking Pengeran
Kelawan konco dulur lan tonggo,Kang podho rukun ojo tjidero
Iku sunnahe Rosul kang Mulyo,Nabi Muhammad panutan kito
Ayo nglakoni sekabehane, Allaah
kang bakal ngangkat drajate
Senajan asor toto dlohire, Ananging Mulyo maqom drajate
Lamun palastro ing pungkasane,
Ora kesasar roh lan sukmane
Den gadang Allaah suwargo manggone,
Utuh mayyite ugo Ulese
YA ROSULALLAAH SALAMUN ‘ALAIK
YA ROFI-‘ASY-SYANI WADDAROOJII
‘ATHFATAN YAJI ROTAL ‘ALAMI
YA UHAILALJUUDI WAL KAROOMI
@by.jamas collections
Tidak ada komentar:
Posting Komentar